Gadget

Eduki hau ez dago oraindik erabilgarri enkriptatutako konexioetan.

2014(e)ko abendua 17, asteazkena

Gogoeta VIII

Praktikako azken klase honetan,gelditzen ziren hiru taldeek aurkezpena egin dute.
lehenengo taldeak MOOC eta PLE kontzeptuen gainean ibili dira. Hasteko PLE-ren azalpena eman dute; zer den, elementuak nondik datorren, erabilerak zeintzuk diren eta alde onak eta txarrak zeintzuk diren. Bestetik MOOC azaldu dute, definizioa, kontzeptuaren jatorria, eskakizunak eta betekizunak, motak, onurak eta galerak, Lehen hezkuntzara nola eraman daiteke eta etorkizunerako itxaropenak.

http://upload.wikimedia.org/wikipedia/commons/c/cb/MOOC_poster_mathplourde.jpg
Hurrengo taldearen aurkezpena denori txundituta utzi gaituztela uste dut. Izan ere, modu diaktiko batez egin dute haien aurkezpena eta benetan adi egoteko gogoak eduki ditut. Haiek erabili duten metodologia ezberdina izan da, izan ere,  " Quien quiere ser millonario" jokuan oinarritu dira I.K.T-ak gaur egungo eskoletan zer nolako erabilera duten azaltzeko. Azkeneko taldeak, aurrekoen gai bera azlatzen jarraitu dute, horretarako decalogoa aztertu dute. Bukatzeko, taldekide guztiek hausnarketa txiki bat egin dute.

Praktikako azken klasea nahiko laburra izan da, lehenago irten baikara. Hala ere, hasiera batean QRaren inguruan ibili gara hizketan. QR-a link beezitzat jo genezake, bere izenak quick respons esan nahi du eta horren bitartez, modu arin batean informazioa jaso dezakegu. Jarraian Unitag programa landu dugu. Honen bitartez gure blogean beste pertsona baten QR jarri dugu.
http://upload.wikimedia.org/wikipedia/commons/thumb/1/14/Codigo_QR.svg/250px-Codigo_QR.svg.png
Ondoren, Infografia eta Easelly.rekin lanean ibili gara. Infografiaren bitarteaz, irudi bakar batean, argazkiak,testuak,grafikoak...txertatu dezakegu. Easelly ere ekintza hori burutzeko beste programa bat da. Nire ustez programa hauek Lehen Hezkuntzako haurrentzat nahiko zaila izan daiteke, beraz ez dut aproposa ikusten.
http://www.easel.ly/create/?id=https://s3.amazonaws.com/easel.ly/all_themes/vhemes/meals/&key=pub
Klasea bukatutzt emateko bideo bat aztertu dugu non MOOC,PLE eta LSM agertu diren.



2014(e)ko abendua 9, asteartea

Gogoeta VII

Ordu magistralean bi aurkezpen egon dira. Lehenengoko taldeak Raul Santiago Campion eta Fermin Navaridas Nalda ingurune aldizkarian argitaratutako artikulu baten inguruan mintzatu dira; La web 2.0 en escena, hain zuzen ere. Honen inguruan zenbait kontzeptu argitu dituzte, aipagarriena web 1.0 eta web 2.0-ren arteko desberdintasunak izan dira. Horrez gain, web 3.0 denbora batean martxan ibiliko dela ere aipatu dute. Gai ineresgarria iruditu zait etorkizun bati begira.
Hurrengo taldeak E-learning buruz hitz egin dute. Hasteko, kontzeptu honen gainean definizio anitzak eman dituzte, geroago honen ezaugarriak aipatu dituzte, ondoren aurkitzen diren mota ezberdinak eta bukatzeko, Lehen Hezkuntzan izan dezakeen aplikazioari buruz azalpena eman dute. Esan beharra dago, orain arte goi mailako zikloetan eta unibertsitatean bakarrik erabiltzen zela. Esan beharra dut termino hau lehendik entzunda nuela baina inoiz ez nuen hain sakonki ulertu eta aurkezpena entzun eta gero, nire ezagutza maila areagitu egin da eta beraz, oso aproposa ikusi dut gai hau lantzea.

Praktikako orduei dagokionez, zenbait programa landu ditugu. lehenego programa Hot potatoes izan da. Programa honek bost motatako jarduerak burutzeko aukera ematen du. Ariketa guztiak desberdinak dira eta funtzionamendua ere desberdina. Esan beharra dut ikasle moduan programa honen bidez ariketak egin nituela. Orain sortzen ere badakit eta gainera ez zait zaila iruditu.


http://imagenes.es.sftcdn.net/es/scrn/10000/10249/hot-potatoes-2.jpg
Geroago Pixton eta Goanimate programak ezagutu ditugu. Biak istorioak edo komikiak sortzeko baliogarriak eta interesgarriak dira. Programak ezagutzeko asmoz Pixton sartu gara eta komiki bat sortu dugu. Programa honek hainbat aukera ematen ditu; esaterako, sormena sustatzea, munduko beste pertsonekin kontaktuan jartzea, adierazpena lantzea, norberaren argazkiak txertatzea... Gainera, erabiltzeko erraza eta azkarra da.
Hona hemen adibide bat:

Programa horiekin bukatu ostean, Issu eta Calameo programak aztertu ditugu. Porgrama hauek artxiboak igotzeko erabiltzen dira, beraz ikasleek bertara igo ditzakete haien lanak. Bertara igotzen diren lanak aldizkarien antzera ikusten dira. Egia esan programa hauek berriak izan dira niretzat eta gehiago sakontzea gustatuko litzaidake.

Saio praktikoarekin bukatzeko, Podcast programarekin lanean ibili gara. Programa honek aukera ezberdinak eskaitzen ditu; hiztegigintza,ipuinak eta istorioak (adierazpena), musika... 2.ziklorako programa aporposa ikusten dut nik.
Honekin lotura duten bi programa gehiago ezagutu ditugu, Poderato eta Goear. Programa hauen bidez, zuk sortutako edo nahi dituzun soinuak eta audioak igo ditzakezu. Guk frogak egiten ibili gara eta grabazio bat igo dugu. Aipatzeko bakarra ordenagailuan nahiko baxu entzuten zela izan da, baina hori mikrofoaren akatsa izango da zeguruenik. Porgrama hauek berriak izan dira baina errazak eta Lehen Hezkuntzara eramateko aproposak ikusi ditut.

2014(e)ko azaroa 25, asteartea

Gogoeta VI

Zazpigarren saio honetan aurkezpenekin jarraitu dugu. Guarko honetan seigarren eta zazpigarren taldeak aritu dira hizketan. Talde biak artikulu berean oinarrituta zeuden, batak zati bat azaldu digu eta besteak falta zen zatia.
Lehenengoko taldeak Internetek dauzkana arriskuei buruz hitz egin dute. Arrisku hauek gehienbat bi testuinguruetan aipatu dituzte; etxean eta eskolan. Horrez gain, Internetek eskaitzen dituen onurak ere aipatu dituzte.
Bigarren taldeak, aurreko taldeak aipatutako hainbat atal errepikatu dituzte. Hala ere, Interneten seguratsuna bermatzea izan da haien mintzagai nagusia. Era berean, IEP-aren estrategiak aipatu dituzte. Gai hauek interesgarriak ikusi ditut, izan ere, hezkuntzan gero eta gehiago erabiltzen dira teknologiak eta hauek dituzten arriskuak ezagutzea ezinbestekoa dugu. Modu honetan, irakasleak izango garenok, ikasleak modu kontziente eta egoki batean digitalki alfabetatu beharko ditugu, haien segurtasuna bermatuz.

Ordu praktikoei dagokionez, programa ezberdinak erabiltzen ibili gara. Hasteko Ardora programa erabili dugu. Programa honek irakasleentzako egina dago gehienbat. Bertan, norberak sortutako  web edukiak sortu daitezke, esaterako, jarduerak, gurutzegramak, letra sopak, eskemak...Horrez gain, multimedia orrialdeak ere aurkitzen dira; adibidez, galeriak,bideoak...

http://imagenes.es.sftcdn.net/es/scrn/53000/53136/ardora-19.jpg
http://cmapspublic.ihmc.us/rid=1LWQ5JPJR-Y5QNWZ-21JF/252515772_640%5B1%5D.jpg

Jarduerak egiteko beste programa bat ere ezagutu dugu  JCLICK. Programa honekin matematikako  eta hizkuntza komunikazioari buruzko zenbait ariketa ikusi ditugu. Hona hemen adibide bat: http://clic.xtec.cat/db/act_es.jsp?id=1126

http://clic.xtec.cat/gifs/aditzak.gif
Programa bi hauek erabilgarritasun handia dutela uste dut. Izan ere, zure kabuz jarduerak burutu ditzakezu nahi duzun gaiaren gainean.

Aurrekoa bukatu ondoren Educo play programarekin hasi gara lanean. Horretarako bietako batek harpidetu egin da eta bi jolas ezberdin sortu ditugu.



  1. Lehenengo ariketa, erlazionatzeko ariketa zen. Bi talde zeuden, alde batetik, etxeko animaliak eta bestetik animali basatiak. Talde bakoitzari dagozkien animaliak aukeratu behar ziren. http://www.educaplay.com/es/recursoseducativos/1702791/animaliak.htm
  2. Bigarren ariketa test modukoa zen. Bertan galdera eta erantzuna idatzi genuen eta aukerak adierazi ondoren jolasteko prest zegoen.http://www.educaplay.com/es/recursoseducativos/1702806/koloreak.htm




Azkenik, Storybird programa ezagutu dugu. Programa hau ipuinak edo istorioak sortzeko erabiltzen da. Bertan zu zeuk idatzi dezakezu ipuinaren sarrera, korapiloa eta amaiera.


Programa guzti hauek oso erabilgarriak dira etorkizun batean erabiltzeko. Esan beharra dut ez nituela ezagutzen baina lan egiteko modu dibertigarria iruditu zait. Gainera uste dut ikasleek modu didaktiko eta bisual batez askoz gehiago ikasten dutela. Gainera haurren motibazioa areagotzen da horrelako ariketak egiten direnean.


2014(e)ko azaroa 18, asteartea

Gogoeta V

Egun on!

Aurrekoetan bezala, aste honetan ere saio magistralean aurkezpenekin jarraitu gara. Aurkeztu duen lehen taldeak "Horizonte Proiektuaz" mintzatu dira. Proiektu honen helburua hezkuntzari dagokionez, teknologia berriek izango duten eragina edo inpaktua ikertzea da. Honekin batera beste azpigai batzuk aipatu zituzten. Hurrengoko taldeak aurreko taldearen gai bera azaldu du baina oraingoan unibertsitatean oinarrituz.
Esan beharra dago kontzptu berria izan dela, eta nahiko interesgarria iruditu zitzaidan. Nire ustetan teknologia gizartearekin bukatuko duela pentsatzen baitut eta eraginak zeintzuk izango diren entzutea interesa piztu zidan.


http://euskampus.ehu.es/wp-content/uploads/2013/09/Horizon2020-300x134.png
Saio praktikoari hasiera emateko irakasleak bi liburu ezberdin erakutsi zizkigun. Alde batetik, tipografiarekin zerikusia zuena "Idazkera liburua" eta bestetik, gizarte digitalean irudien interpretazioa nolakoa zen erakusten zuena " Lectura de imagenes en la era digital".

Liburuak begiratu ostean, gai nagusiarekin hasi gara; WebQuest. Metodologia hau hezitzailea izateaz gain, informazioa bilatzeko  erabiltzen da eta errekurtso gehienak internetetik ateratzen dira. Modu honetan ezagutzeko, abileziak erabiltzen dira, elakarlana eta ikasleen autonomia aurreikusiz. Ezaugarriei dagokionez aipatzekoak dira, ikasleen ezagutzatik abiatzen dela, malgua dela eta transmititu edo partekatzeko aukera ematen duela. Azalpenarekin jarraitzeko, irakasleak sei atal ezberdindu ditu; sarrera,zeregina,prozedura,baliabideak,ebaluazioa eta ondorioak.
WebQuest-ak iraupenaren arabera sailkatzen dira; iraupen motza,luzea eta mini web quest-ak.
https://informaticaintegraliujo.wordpress.com/2012/09/10/webquest-2/



Honekin bukatzeko taldeetan jarri gara lanean. Talde bakoitzak, WebQuest bat bilatu du berta ager zitezkeen akatsak begiratzeko eta gero denon artean komentatu dugu.
Ariketa hau oso aproposa ikusi dut Lehen Hezkuntzan erabiltzeko eta etorkizun batean erabili beharra badut metodologia hau arazo barik erabiltzekoneure burua gai ikusten dut .

Guarko ordu praktikoekin bukatzeko, Padlet programarekin binaka mural bat sortu dugu eta bukatuta zegoenean beste ikaskideekin partekatu dugu.
Hona hemen nire bikotearekin egindako murala:

http://es.padlet.com/wall/yout9ks9wpdc 

Esan beharra dut programa aproposa dela edozein ziklorako. Bertan edozein gai lantzeko aukerak daude eta modu eskematiko batean egin daiteke. Horrez gain, bisualki ondo ikusten da. Horrez gain, ikasleak murala bukatu ostean gorde, partekatu... egindezakete.



Programa honetan ikusten dudan eragozpen bakarra zera da; zerbait txarto egitean atzera egin nahi ezkero, hasieratik hasi behar dela murala sortzen eta horrek denbora galtzea dakar.

Bukatzeko, Audacity programa erabili genuen. Guk nahi genuen abestia editatzen ibili ginen eta baita ere, grabazioak txertatu genituen. Horrez gain, Audacity programa portablea jaitsi genuen.

http://imagenes.es.sftcdn.net/es/scrn/14000/14262/audacity-74.jpg

Programa hau lehendik erabili nuen, musikako eta informatikako ikasgaietan. Abestiak editatzeko programa erraza ikusten dut eta gainera aukera anitzak ematen ditu; grabazioak txertatzea, soinuaren kalitatea,exportatzea eta inportatzea, efektuak sartzea, editatzea...



2014(e)ko azaroa 11, asteartea

Gogoeta IV

Egun on!

Modulu astea igaro ondoren, ikasgai honetako laugarren klase magistrala izan dugu. Aurrekoan bezala beste talde batzuek prestatutako aurkezpenekin ibili gara. Horretarako prozedura berdina erabili dugu, aurrean ebaluazio orria edukiz.
Bigarren aurkezpena zazpi kidez osatuta zegoen eta izenburua honako hau zen " IKT-ak, hezkuntza eraberritzeko aitzakia". Bertan gehienbat, WEB 2.0k eskaintzen dituen aukerak sakonki azaldu dizkigute eta baita hezkuntza munduan nola landu daitekeen ere.
Hurrengoko aurkezpenean ni izan naiz bertako taldea osatzen zuen kideetako bat. Guk sei taldekide izan ginen eta " Internet eta eskola"-ri buruz mintzatu ginen. Sarrera eman ondoren, hurrengoko puntuak azaldu genituen: EU kids online eta Safer Internet Plus Programaren azalpena eta ondorioak; etxerako erabilerari dagokionez gomendioak ; Web 2.0k dituen aplikazio batzuen azalpena eta kontzeptuaren ideia orokorra (wikiak,jarioak,blogak...) ; sare sozialak (zertarako, nortzuk, zer...); Ordiziako jakintza ikastolaren esperientziaren adibidea (ikasleen,gurasoen jarrerak, bertan ikusitako abantailak...) eta bukatzeko lan osoaren ondorioak hausnarketa modura jarri genuen bideo batez lagunduta.
Esan beharra dut ez naizela urduriegi jartzen aurkezpena burutu behar dudan momentuan eta nire ustean nahiko ondo ibili ginen talde moduan. Talde bakoitzak badaki bere partaide bakoitzak izan dezakeen rola. Gure taldean nahiz eta batzuk beste batzuk baino lasaiago egin aurkezpena lana egiterako momentuan haiek ondo egiten dituzten gauzak burutu dituzte. Era berean, esan nahi dut bakoitza badakiela taldean zein rol duen eta hasiera batean ondo antolatu garenez lana egoki egin dugula uste dut.
Horrez gain, aipatu nahi dut ebaluazio irizpideak aldakorrak direla;hots, oso ondo dago gelan azaldutako programaren bat aurkezpenera eramatea, baina ez da justua lehenengoko taldeek hori burutzeko aukerarik ez izatea. Hasierakoek ezin izan baikenuen horrela jendea erakarri.
Bukatzeko, barregura ematen dit horrelakoa idaztea baina, 19 urte gorako pertsonak gara eta errespetu falta iruditzen zait gertatu zitzaiguna. Gelako kideak aurkezpen bat egiten ari baldin badira gutxiengoa ez molestatzea da, izan ere, ni eta edozeinek hitz egiten ari den bitartean jende mordoa altxatzen ikusten badu, zeharka ulertu daiteke aurkezpena txapa galanta dela, denbora eskasa gelditzen dela  bukatzeko....Ondorioz, taldekideek urduriago jarri ginen hau gure aurkezpenean ondorioak ekarriz.


Alde praktikoari hasiera emateko bibliografiaren erabilera egokia aipatu dugu. Aipatzekoa da entregatzen ditugun lan guztietan atal hau ezinbestekoa dela; hala ere, lehen aldia da hau nola jarri behar den azaltzen digutela. Beraz, oso egokia iruditu zitzaidan irakasleak liburuetako, blogetako,artikuluetako... bibliografia modu egokian nola jarri behar den azaldu izana; hots,gomendioak eta arauak. Benetan eskerrak emateko dira.
Ondoren Delicious eta Scoop.it programak azaldu zizkigun. Delicious eta Scoop.it Webeko markatzaile sozialak kudeatzeko zerbitzuak dira. Bi tresna hauek erabiltzen ibili gara, horretarako bietako batean harpidetu gara eta pare bat link txertatu ditugu frogak egiteko.




Horrekin bukatu eta gero, bideoak eta musika aztertzen aritu gara. Honen helburua bideoetan agertzen dena eta honek atzealdean daraman musikaren arteko erlazio zuzena erakustea zen. Horretarako bideo desberdinak ikusi ditugu. Hasierako bideoa ez zegoen ondo prestatuta; izan ere, bertan agertzen ziren irudiak ez zeuden bat musikarekin. Hurrengoko bideoak aldiz, modu egokian antolatuta zeuden. Hona hemen adibideak:

  • " Los grandes educadores". Bideoa igaro heinean, musikak aldaketaren bat gertatuko dela adierazten du, aldiz, irudia bertan jarraitzen du. Egilea aldaketa horietaz baliatu beharko litzateke irudiak aldatzeko. Horrez gain, aukeratutako musikak sentimendu gehiegi adierazten ditu eta mezuari garrantzia kentzen dio.

  • "Por cuatro esquinitas de nada". Bideo hau bi modutan ikusi genuen, alde batetik umeen ahotsekin eta bestetik, umeen ahotsik gabe. Haurren ahotsak entzuten zirenean, musika lagungarria izan da irudiak igarotzeko. Haurrak entzuten ez zirenean ostera, musika bere erritmoa izan du baina irudia estatikoa izan da. Beraz, bigarren honetan mezua ez zen ulergarria.

  • "El maltrato sutil". Bideo hau oso ondo lotuta dago. Hasteko, ahotsa eta musika bikain lotuta daude eta ahotsa entzuten ziren momentuetan musikaren beherakada nabaria zen. Bigarrenik, plano aldaketak eman dira irudiak aldatzen ziren heinean eta dinamismoa sortuz. Azkenik, irudien eta testuinguruen loturak oso egokiak ziren.

  • "Haziak eta jakintza". Bideo honetan ez da momentu orotan atzealdeko musika agertzen, ahotsa eta isiltasuna dira bideo honen koska. Bertan agertzen diren paisai,kolore,testura...beti azalpenean oinarrituta dago, eta azaltzen den hori nola egiten den ere ikus daiteke, barazkien (babarrun) kasuan adibidez. Horrez gain, plano ezberdinak egotea ( amerikarra, orokorra,panoramikoa, erdikoa...) sinesgarritasuna transmititzen zuen.


Bideo hauek aztertu izana, graduan entregatu beharreko lanetan eta etorkizunean burutuko ditugunetan arreta handiagoa izatea erakutsi zidan. Gainera, transmititu nahi den mezua zein den argi eduki behar dugu musika aukeratzeko momentuan. Gero kamaren eta irudien laguntzaz baliatu beharko gara bideoa dakigun ogien burutzeko.

2014(e)ko azaroa 2, igandea

Gogoeta III

Egun on!

Hirugarren asteari hasiera emateko saio teorikoan aurkezpenekin hasi gara. Talde bakoitzak egokitutako gaiaren inguruan azalpena eman du. Taldea zazpi ikaslez osatuta zegoen eta artikulu baten gainean mintzatu dira. Artikulua hikhasi web orrialdetik ateratakoa zen eta honen idea nagusia 5 urteko haurrak mezu elektronikoak idazten ari direla zen.
Aurkezpenaren ebaluazio irizpidei dagokionez, irakasleak ebaluazio orrialdeak banatu ditu. Alde batetik, taldean bete beharrekoa eta bestetik, banakakoa. Taldean bildu eta talde bakoitzak izan beharreko konpetentziak zeintzuk diren adostu eta irizpideak idatzi ditugu.

Praktikako saioan hainbat gauza komentatu ditugu. Hasteko RSSaren erabilera azaldu digu. RSSaren bitartez blogean web orrialde desberdinak txertatu ditzazkegu. RSS XMLren familiako fitxategi formatu bat da, sarritan eguneratzen diren albisteen webgune eta blogentzako bereziki prestatua dagoena. Honi esker informazioa elkarbanatu eta beste webgune batzuetan erabiltzea posible da. Honi sindikazioa deritzo. Beraz, gure blogean albiste edo beste blog batzuen sarbidea ahalbideratu dezakegu. Aipatzekoa da honen berri banuela, hala ere,  ez dut inoiz erabili.

Behin hori argituta gelditu denean, Creative Commons litzentzia zer den eta zertarako erabiltzen den ikasi dugu. Creative Commons irabazteko asmorik ez duen erakundea da. Bere helburua; legislazio eta teknologia berriak erabiliz sormenezko lanak partekatzeko oztopo legalak murriztea da. Modu horretan, gure lizentzia propioa sortu dugu gure blogean jartzeko. Atal hau interesgarria eta bereziki oso garrantzitsua dela uste dut, gehienbat  gure pribatutasuna gordetzen duelako. Horrez gain, honelako tresnak ezagutzea oso baliagarria iruditzen zait etorkizunean beste momentu batzuetan erabili dezakegulako. Gainera, teknologia egunero garatzen den tresna da eta kontuz ibili behar gara bertan publikatzen ditugun gauzekin. Pribatutasunarekin zerikusia duen beste programa bat copyscape da. Honekin beste erabiltzaile batzuek gure bloga segurtasunarekin dagoela jakinarazi ditzakegu, hots, gure blogetik ezer ez hartzeko  jakinarazten du.

Bukatzeko, irudiak edo argazkiak editatzeko programak ezagutu ditugu; hala nola, Image chef, FlockDraw, GIMP, PictureTrail, PhotoPleasure, Bloggif, FotoFlexer... Gelan talde bakoitza programa bat hautatu eta hori ezagutzen ibili gara. Nire kasuan flockdraw programa ezagutzen ibili naiz. Programa honek paint programaren oso antzekoa da. Internet konexioaren bidez marrazkiak sortu daitezke eta beste programa batzuek ez bezala honek gordetzeko aukera ematen du. Beste programak nola erabiltzen diren jakiteko proiektorea dela medio, gelakide batzuk atera dira eta azalpena eman dute.
Nire aburuz, ziklo ezberdinetarako programa ezberdinak daude, hau da, zailtasun maila areagotzen den heinean programa 1, 2 edo 3. ziklorako hobesten dut. Lehenengo zikloan paint-en antzeko programak erabiliko nituzke. Hona hemen FlockDraw-aren bitartez eratutako irudi bat:



http://flockdraw.com/gallery/view/1981985

Tresna honek ez du harpidetzarik eskatzen, ezizen bat jartzearekin balio baitu. Horrez gain, irudia egin ostean Twitter, Facebook edo link bidez gordetzeko aukera ematen du. Tresnaren erabilera ez da zaila, betiko paintarekin oso antzekoa dela esan dezaket, beraz lehen ziklorako erabili daitekeen tresna da.

2014(e)ko urria 28, asteartea

Gogoeta II

Egun on!


IKTko saio teorikoan, Web 2.0ari buruz mintzatu gara. Irakasleak honi buruz azalpenak eman dizkigu eta esan beharra dut egokia ikusten dudala horrelako gaiak lantzea eta programa ezberdinak erakustea. Modu horretan guk digitalki dugun ezagutza areagotzen delako. Gainera, nahiz eta puntu batzuk aldez aurretik jakin, kontzeptu batzuk berrikustea hainbat tresnen erabilera argitu zizkidan.

Praktikako saioan aldiz, betiko moduan ordenagailuarekin ibili gara lanean. Hasteko, zaindegia nola erabiltzen den azaldu digu. Hori azaldu eta gero, guk frogak egiten ibili gara tresnaren erabilera barneratzeko.

Denbora batez ordenagailuarekin egon ondoren, Microsoft power pointaren inguruan hainbat azalpen argitu dizkigu. Microsoft power pointa, diapositiba aurkezpenak egiteko software bat da. Tresna honi buruz azalpenak eman ondoren nire aburuz baliagarriena, aurkezpen baten barruan ipini beharreko sei elementuak zeintzuk diren jakitea izan da. Izan ere, magisteritzako gradu honetan hainbat dira taldean aurkeztu behar ditugun lanak eta horien artean power pointaren erabilera handia da. Horrez gain, Microsoft Office Picture Managerren erabili dugu. Tresna hau software programa bat da eta argazkiak editatzeko edo hauek kudeatzeko erabilera du.
http://vereadornatalini.com.br/wp-content/uploads/2012/11/apresentacao-em-powerpoint.jpg

http://upload.wikimedia.org/wikipedia/en/thumb/4/49/Office_Picture_Manager.png/300px-Office_Picture_Manager.png 


Azkenik aipatzekoa da klase praktikoak iraun duen denbora. Gauza da gaur Bilbon greba zegoela eta ondorioz, gure eskubideak defendatzera bertan batu gara. Beraz, klasea beste egun batzuk baino denbora gutxiago iraun du.

2014(e)ko urria 15, asteazkena

Gogoeta I

Egun on!


Nire izena Itxaso da eta gaur blog berriari hasiera emango diot. Euskal Herriko Unibertsitatean magisteritza ikasten ari naiz, hona hemen eraikuntzaren argazkia:

http://www.irakasleen-ue-bilbao.ehu.es/p230-content/es/contenidos/informacion/magisbilbo_eraikuntza_berria/es_eraik_be/nuevo_edificio.html

Blog honen helburua Lehen Hezkuntzako ikasgelan teknologiaren erabilera nolakoa den ezagutzea izango da. Astean behin sarrera bat gutxienez argitaratuko dut.

Aste honetako gogoetari dagokionez, bai gela praktikoan bai magistralean ikasitakoaren ingurukoa izango da.

Klase magistralean, gizarteak eta teknologiak dituzten erlazioak aipatzen hasi ginen; besteak beste, sistema ekonomikoan,sistema politikoan,sistema kulturalean, pertsonen arteko erlazioetan (agent webs...) Gaur egun ia dena teknologiarekin zerikusia du eta edozein informazio interneten bidez aurki dezakegu. Gure gizarterako onuragarria den baliabidea bihurtu da baina zer momentuan bihurtzen da kaltegarri? Irakasleak izango garenak, orain unibertsitatean Lehen Hezkuntzako geletan teknologiaren erabilera sustatu nahi da baina, horretarako haurrei honen erabilera egokia irakastea pauso garrantzitsuena dela pentsatzen dut nik. Izan ere, haurrek teknologia dibertitzeko;hau da, solasaldi moduan erabiltzen dute eta gero eta gehiago dira horren menpe daudenak. 

Horrez gain, ez dut ideia ona ikusten idazten ez dakien haur batek tablet,ordenagailu... baliabiderekin ikasten ibiltzea. Bai, egia da baliabide teknologiko horiekin ere idatzi egin daitekeela baina denok badakigu zein erosoa den ordenagailuak ortografia akatsetan,txukuntasunean... laguntzea. Beraz, modu zentzudun batean erabiltzea izango litzateke guztiaren koska.
Horrekin batera aipatzeko da, irakasleak egin beharreko esfortzua, hau da, hezitzaile bezala gaurkotuak egon beharreko ardura bete. Izan ere,  XIX.mendeko irakasleak XXI.mendeko ikasleak hesitzen dituzte non "teknologiaren boom-ean" jaio diren.


http://stellae.usc.es/red/blog/view/29976/formacin-permanente-cfr-y-cafi

Alde praktikoari dagokionez, hasteko informatikari buruzko oinarrizko kontzeptuak birpasatu ditugu ( posta elektronikoa (@), web guneak, URL...) Geroago, blogak lantzen hasi gara. Blog edo weblog bat, istorio edo artikuluak argitaratzen diren Interneteko webgune bat da. Hasteko, bloga nola sortu dugu eta hau nola erabiltzen den ikasteko bertan "trasteatzen" ibili gara. Bertan, mezuak egunkari edo ontziko liburu moduan idazten ditu eta hauek kronologikoki argitaratuz doaz. Egiturari dagokionez, goiko markoak blogak identifikatzen ditu, zutabe nagusian mezuak eta erantzunak agertzen dira eta alboko zutabean, besteak beste, egilearen deskripzioa, estekak, etiketak, kategoriak, mezuen artxiboa eta harpidetzeko loturak egon ohi dira.
Esan beharra dut, bloga lehendik nire kabuz ezagututa nuela, orain dela 2 urte hainbat gauza idatzita bainituen. Hala ere, gauza batzuk ahaztuta nituen eta ondo etorri zait gogoratzea. 

Bukatzeko,  ikasgai hau hezkuntzaren munduan garrantzitsua dela uste dut , irakaskuntza prozesuan baliabide desberdinek hezkuntza hobetzen lagundu dezaketelako. Denon esku dago hori aurrera ateratzea.